María Adelaida de Luxemburgo

María Adelaida de Luxemburgo
	;
Biografía
Nacemento	14 de xuño de 1894 ; Castelo de Berg, Luxemburgo (pt)
Morte	24 de xaneiro de 1924 (29 anos); Schloss Hohenburg, Alemaña (en)
Causa da morte	gripe
Lugar de sepultura	Catedral de Notre-Dame de Luxemburgo (pt)
Gran duque de Luxemburgo
	25 de febreiro de 1912 – 14 de xaneiro de 1919 ; ← Guilherme IV de Luxemburgo (pt) – Carlota de Luxemburgo →
Datos persoais
Relixión	Igrexa católica
Actividade
Ocupación	monxa
Orde relixiosa	Orde de Santa María do Monte Carmelo
Outro
Título	Princess of Luxembourg (en) ; Gran Duquesa ; Prince of Nassau (en) ; Grand Duchess of Luxembourg (en)
Familia	Casa de Nassau-Weilburg (pt) e Dinastia Nassau (pt)
Pais	Guilherme IV de Luxemburgo e Maria Ana de Bragança, Grã-duquesa do Luxemburgo
Irmáns	Carlota de Luxemburgo; Sofia de Luxemburgo; Antonieta de Luxemburgo; Hilda de Luxemburgo; Isabel de Luxemburgo
Premios
	Gran Cruz da Orde da Coroa de Carballo; Order of Adolphe of Nassau (en) ; Orde do León de Ouro da Casa de Nassau; Orde da Coroa de Carballo ;

María Adelaida de Nassau-Weilburg e Bragança (Marie Adélaïde Thérèse Hilda Wilhelmine de Nassau-Weilburg), nada en Colmar-Berg o 14 de xuño de 1894 e finada en Lenggries o 24 de xaneiro de 1924, foi a filla primoxénita do Gran Duque Guillerme IV de Luxemburgo e converteuse en monarca (a primeira muller no país) á morte do seu pai o 25 de febreiro de 1912.

Traxectoria

Primeiros anos

María Adelaida naceu no castelo de Berg en Luxemburgo, sendo a primeira filla do Gran Duque Guillerme IV e a Gran Duquesa María Ana. Tivo outras cinco irmás: Carlota Aldegonde Isabel María Guillermina (nada en 1896), Hilda Sofía María Adelaida Guillermina (nada en 1897), Antonia Roberta Sofía Guillermina (nada en 1899), Isabel María Guillermina (nada en 1901), e Sofía Carolina María Guillermina (nada en 1902). Como o seu pai non tivo ningún fillo varón, María Adelaida foi proclamada herdeira o 10 de xullo de 1907, co fin de resolver calquera crise de sucesión debido á existencia da lei sálica.

Gran Duquesa de Luxemburgo

Converteuse en Gran Duquesa de Luxemburgo o 25 de febreiro de 1912 cando faleceu o seu pai, Guillerme IV, con 17 anos de idade e converténdose na primeira muller en ser Gran Duquesa de Luxemburgo. A súa nai foi a rexente ata que cumpriu os dezaoito anos o 14 de xuño de 1912.

María Adelaida estaba moi interesada na política e tivo un papel moi activo no goberno luxemburgués. Era unha devota católica, con fortes conviccións relixiosas e opinións políticas moi conservadoras. O mesmo día da súa chegada ao trono, rexeitou asinar unha lei que reducía o papel dos presbíteros católicos no sistema educativo.^[1] Máis tarde, en 1915, dubidou antes de designar os alcaldes de Differdange e Hollerich, ambos coñecidos polas súas ideas anticlericais.^[2]

Durante a primeira guerra mundial mantivo boas relacións cos ocupantes alemáns, incluíndo aloxar o káiser Guillerme II no palacio e permitindo que o Kronprinz alemán establecese os seus cuarteis militares temporais na cidade de Luxemburgo,^[3] actitude que a fixo moi impopular entre a poboación luxemburguesa. A finais de 1916, a gran duquesa causou controversia por disolver a cámara de deputados para solucionar o punto morto que afrontaba o gabinete Loutsch, composto por membros do Partido da Dereita e non tiña maioría na cámara.^[2] María Adelaida ordenou a disolución e realizáronse novas eleccións o 23 de decembro de 1916.^[2] Esta acción estaba permitida pola constitución, pero era pouco convencional e provocou protestas e resentimentos entre os socialistas e os liberais no parlamento, que o viron como unha especie de golpe de estado.^[2]

Tralo conflito, en xaneiro de 1919, algúns voces dende o parlamento demandaron a súa abdicación. O 9 dese mes, un grupo de parlamentarios socialistas e liberais proclamaron publicamente unha república tras perder unha votación no parlamento para abolir a monarquía, unha situación que foi seguida por axitacións nas rúas que mesmo requiriron a intervención do exército francés para restaurar a orde.^[3] Baixo fortes presións nacionais e internaicionais e tras consultar co primeiro ministro, a gran duquesa, de vinte e catro anos, decidiu abdicar o 14 de xaneiro de 1919. Foi sucedida pola súa irmá Carlota.^[4]

Vida trala abdicación

Despois da súa abdicación exiliouse vaixando por toda Europa. Ingresou nun convento carmelita de Módena (Italia) en 1920 e máis tarde uniuse á Irmás dos pobres en Roma, tomando o nome de "Irmá María dos Pobres". Con todo, a súa saúde, que empeoraba, non lle permitiu continuar como monxa e tivo que abandonar o convento. Mudouse entón ao Schloss Hohenburg en Baviera, onde morreu de gripe en 1924.

O 22 de outubro de 1947 o seu corpo foi soterrado na cripta gran ducal da catedral de Notre Dame de Luxemburgo.

Antergos

Antergos de María Adelaida de Luxemburgo

Predecesor: Guillerme IV	Gran Duquesa de Luxemburgo 1912-1919	Sucesor: Carlota

Notas

↑ Péporté, Pit (2010). Inventing Luxembourg: representations of the past, space and language from the nineteenth to the twenty-first century. BRILL. p. 90. ISBN 90-04-18176-8.
↑ ^2,0 ^2,1 ^2,2 ^2,3 Thewes, Guy (2011). Les gouvernements du Grand-Duché de Luxembourg depuis 1848 (PDF) (en francés). Service Information et Presse. p. 65. ISBN 978-2-87999-212-9. Arquivado dende o orixinal (PDF) o 11 de xaneiro de 2017. Consultado o 08 de marzo de 2019.
↑ ^3,0 ^3,1 "Marie-Adélaïde - Cour Grand-Ducale de Luxembourg - Les Souverains". www.monarchie.lu (en francés). Consultado o 2 de xaneiro de 2016.
↑ Bio of Marie Adelaide von Nassau-Weilburg – website Find a Grave

Véxase tamén

Bibliografía

O'Shaughnessy, Edith. Marie Adelaide, Grand Duchess of Luxemburg, Duchess of Nassau. Nova York: Jonathan Cape e Robert Ballou, 1932.
Schous, Marie. Marie Adelheid van Nassau, Groothertogin van Luxemburg. 's Hertogenbosch: G. Mosmans, 1931.
Zenner, Theodor. Marie Adelheid: Lebensbild der verstorbenen Grossherzogin von Luxemburg. 1925
Marburg, Theodor. The Story of a Soul. Philadelphia: Dorrance, 1938.
Leighton, Isabel, e Bertram Bloch. Marie-Adelaide: A Play. Nova York: Rialto Service Bureau.

Ligazóns externas

Marie-Adélaïde na páxina oficial da familia real luxemburguesa (en francés)

[invention-luxembourg-1] Péporté, Pit (2010). Inventing Luxembourg: representations of the past, space and language from the nineteenth to the twenty-first century. BRILL. p. 90. ISBN 90-04-18176-8.

[:0-2] 2,0 ^2,1 ^2,2 ^2,3 Thewes, Guy (2011). Les gouvernements du Grand-Duché de Luxembourg depuis 1848 (PDF) (en francés). Service Information et Presse. p. 65. ISBN 978-2-87999-212-9. Arquivado dende o orixinal (PDF) o 11 de xaneiro de 2017. Consultado o 08 de marzo de 2019.

[:1-3] 3,0 ^3,1 "Marie-Adélaïde - Cour Grand-Ducale de Luxembourg - Les Souverains". www.monarchie.lu (en francés). Consultado o 2 de xaneiro de 2016.

[4] Bio of Marie Adelaide von Nassau-Weilburg – website Find a Grave

[1]

[2]

[3]

[4]